INDUNG

Indung Tunggul rahayuning diri

nu mayung satungtung hirup, bapak tunggul darajat lir léahna sagara dina kanyaah

nu tetep ngampar dina sagala rasa..

Indung tara pundung bapak tara ngadaksa najan kungsi ridu, hirup ku ngakandung sabab titipan ti Maha Agung turta tetep ikhlas najan awak ragas sangsara sagala susah dina obah jeung ngaléngkah ngabelaan kabungah anak.

Naon atuh nu payus, nu ku urang rék niat dina mulangkeun tina sagala kabéh kanyaah indung jeung bapak.

Moal bisa kapulangkeun!

Sabab indung tara nundung bapa mah neangan banda, moal utang itung ménta dina mulang tarima najan tetep bari kerep

Munajat dina pangdunga keur kabungah anak

Indung téh lir malaikat, bapak lir darajat nu katara jeung karasa nu boga lawang sawarga, sabab bebenduna indung bebenduna Gusti nu Maha agung, asihna kanyaah indung jadi welas asihna Gusti.

Mugia urang tetep hirup dina cageur, bageur, bener, pinter jeung singer.

Caag ...

Mieling poé Indung

22 Desember 2021

Pun Agus Setiawan.