GELARING CABANG KHUSUS PASI TUNGGADEWI KOTA BANDUNG

Ku: Eulis H. Saputra

Pupuhu Puseur Pasundan Istri (Pasi), Dr. Dra. Hj. Eni Sumarni, S.P.,M.Kes, kapeto ngukuhkeun ngadegna  Cabang Khusus PASI Tunggadewi Kota Bandung, sakantenan  ngangkat tur ngistrenan para pangurusna masa bakti 2025-2030 di Kantor PASI - Jl. Wirangrong No.2 Turangga Kota Bandung (20/09/2025).

Anapon rengrengan pangurus luyu sareng nu kaunggel dina Lampiran Keputusan Pengurus Pusat Pasundan Istri No.004/ KEP. PP-PASI/ IX/ 2025;

1. Dr. Nina Kurnia Hikmawati,SE., M.M.,M.Kom. M.BA., CITPM (Ketua)

2. Dr. Mira Rosana, M.Pd (Wakil Ketua 1)

3. Yemi Resmiasih, S.IKom., S.Sos (Wakil Ketua 2)

4. Prof. Dr. Chye Retty Isnendes,S.Pd., M.Hum. ( Sekretaris)

5. Dra. Eulis Hendrayani Saputra, M.Pd.(Wakil Sekretaris)

6. Dr. Dede Hertina,SE., M.Si (Bendahara)

7. Dr. Nurul Hermina., SE., M.M. (Wakil Bendahara)

8. Dr. Sitti Hikmawatty, SH., S.ST., M.Pd. (Kabid 1 Organisasi)

9. Prof. Dr.Berliana, M.Pd (Kabid 2 Kesehatan dan OR)

10. Prof. Dr. Siti Nurbayani K., S.Pd., M.Si (Kabid 3 Pendidikan)

11. Siska Nugraha Humaira., SH., M.Kn., L.LM. (Kabid 4 Ekonomi)

12. Dr. Ririn Dwi Agustin., ST., MT. (Kabid 5 Budaya)

13. Garlika Martanegara., S.Sos., M.Si (Kabid 6 Sosial Politik)

14. SY Yuliani Yakub., S.Kom., MT., Ph.D. (Kabid 7 Agama)

15. Dr. Ayi Purbasari., ST., MT (Kabid 8 Lingkungan Hidup)

Dina pamapag biantarana Pupuhu Puseur nandeskeun yen PASI Tunggadewi diperedih sangkan tiasa ngokolakeun Visi-Misi PASI, nyongcolang unggul pinunjul guyub berkarya  dina  ngayonan pareka jaman kalayan tetep panceg dina galur palsafah ka-Sundaan : Cageur -bageur- bener-pinter-wanter- jujur-junun- akur- teuneung-ludeung.

10 sipat ieu sabenerna nyusun hiji struktur kasampurnaan manusa Sunda:

Cageur pikeun awak,

Bageur pikeun hubungan sosial,

Bener pikeun aturan jeung spiritualitas,

Pinter pikeun akal,

Wanter pikeun kapercayaan,

Jujur pikeun haté,

Junun pikeun sikap,

Akur pikeun masarakat,

Teuneung pikeun mental,

Ludeung pikeun énergi kahirupan.

Ieu 10 kecap téh dipedar sacara holistik (nyambungkeun awak, jiwa, akal, jeung hubungan sosial).

 1. Cageur (sehat lahir batin)

Holistikna: henteu ngan ukur awak teu gering, tapi ogé haté bersih, pikiran waras, teu loba kahayang anu ngarusak. Cageur téh pondasi pikeun ngalakukeun kahadéan.

 2. Bageur (hade kalakuan, sopan, welas asih)

Holistikna: bageur henteu ngan ukur éstétika basa jeung tata krama, tapi ogé konsistén dina kahirupan sosial: ngahormat batur, teu ngarugikeun, daek ngabantu.

3. Bener (luyu jeung aturan, teu nyasabkeun)

Holistikna: bener téh bisa ditingali tina dua sisi: lahiriah (aturan agama, hukum, adat) jeung batiniah (niat Ikhlas henteu curang).

4. Pinter (boga élmu jeung kaparigelan)

Holistikna: pinter henteu saukur pinter mikir atawa sakola luhur, tapi ogé bisa ngagunakeun élmu pikeun kapentingan masarakat, nyieun solusi, jeung henteu sombong ku élmuna.

5. Wanter (wani, boga kayakinan kuat)

Holistikna: wanter téh wani nyebutkeun bebeneran, wani nyobian hal anyar, wani nanggung jawaban tina lampah. Wanter henteu sarua jeung gagabah, tapi wani anu dilandasan ku kajujuran jeung kaparigelan.

6. Jujur (henteu bohong, sajati dina ucapan jeung lampah)

Holistikna: jujur téh sinar tina haté nu bersih. Dina Sunda, jalma jujur téh dipercaya jadi pemimpin, sabab haténa henteu ditutupan ku kapentingan pribadi.

7. Junun (daria, sungguh-sungguh, konsistén)

Holistikna: junun téh ngagambarkeun sipat anu sabar jeung pantang mundur dina ngalakukeun hiji hal anu dianggap penting. Ieu sipat ngajadikeun hiji usaha bisa hasil, sabab henteu gampang nyerah.

8. Akur (rukun, silih hormat, teu tukeur pundung)

Holistikna: akur téh dasar kaharmonisan sosial. Jalma Sunda ngajaga akur ku “silih asih, silih asah, silih asuh”. Dina kulawarga, lembur, jeung bangsa, akur téh modal pangkuatna.

9. Teuneung (tangguh, teges, tegar dina nyanghareupan tantangan)

Holistikna: teuneung henteu ngan ukur kakuatan ragana, tapi ogé kakuatan jiwa pikeun tahan ku cobaan, henteu kagoda ku napsu, sareng bisa ngontrol émosi.

10. Ludeung (semangat, gairah, teu asa-asa)

Holistikna: ludeung téh sumber énergi pikeun ngajalankeun kahirupan. Lamun geus boga cageur, bageur, bener, pinter, wanter, jujur, junun, akur, jeung teuneung — kudu aya ludeung supaya sadayana bisa hirup tur jalan.

Pupuhu Cabang Khusus PASI Tunggadewi, dina biantara munggaranna nandeskeun luyu sareng jenenganana mitembeyan seja makalangan ngiring aub dina ngaronjatkeun ajen inajen wanoja Sunda kalayan praktek nyata, sugih mukti tur berbudi pekerti.

Tunggadewi sanés saukur nami, tapi ogé hiji konsep falsafah.

Tunggadewi bisa ditarjamahkeun minangka:

Simbol kapamingpinan awéwé anu dipihormat tur boga wibawa luhur.

Tungga ? hiji, tunggal, pusat harmoni.

Dewi ? energi feminitas, kasih sayang, subur, hikmah.

Janten, Tunggadewi tiasa dihartoskeun minangka lambang kesatuan luhur antara kawijakan jeung welas asih, hiji tokoh anu bisa jadi pangayom jeung panglantar kamekaran masarakat.

Dina tradisi Sunda, sebutan "tunggadewi" remen dianggo pikeun ngarujuk kana perempuan agung anu jadi lambang kasucian jeung kaluhuran.

Wilujeng ka Tunggadewi

Pok-pék-prak!!

Ajeg panceg dina galeuh

Tetep pageuh dina puguh

Sangkan leumpang dina lempeng

#PASIISTIMEWA#