ANAKING

Sajak Karya YENI KUSMAYATI, S.Pd.

(Guru B. Sunda SMAN 1 Cikijing Majalengka) 

Anaking...

Kabayang keneh dina soca

Basa hidep gubrag ka alam dunya

Teu daya teu upaya

 Anaking...

Ema sok teu puguh rasa

Sieun hidep teu katoweksa

Kabawa ku sakaba kaba

Anaking...

Teu karasa hidep geus rumaja

Saban waktu ema ngadu’a

Sangkan hidep hirup waluya

Anaking..

Ema teu bisa mere harta

Hidep kudu jucung sakola

Bekel hidep di alam dunya

Anaking..

Nyuprih elmu nyiar harta

Kudu sajalan duanana

Sangkan urang hirup bagja