Bandera Koneng (Cerpen Sunda)

(GURU SMK NEGRI 1 CIKALONG KULON) 

Kring ... kring .. kring

Sora telp ngirining ... aya sabaraha kalina 

Kuring ngorejat .. terus ngangkat telp 

"Aaaa..!!!" s ora adi kuring bangun aya nu kacida penting na ... "Saur emaa dipawarang mulih heula ayeuna keneh penting..., soal bapa" 

.... gebeg ... jantung langsung tutunggulan harita keneh kuring langsung diuk camebleuk ... rus ras inget kanu jadi kolot... ngolembar beungeut bapa nu kacida geus kolotna ..sagala ringkah polahna ti mimiti kuring diakod basa neang sawah ...

Teu karasa cipanon nyakclak ... hampura apa ... abdi rumaos tamelar teu acan tiasa mulang tarima ... ampun Gusti titip anjeun na ... panjangkeun yuswana

Gura giru harita keneh kuring ..

Ngoncian panto imah ... sanggeus tarapti bari nitip konci imah ka tatangga ... langsung nyelah motor honda GL ... sapanjang sajajalan hate mah teuteup manco kabapa ... sieun kuma onam

Barang nepi kalembur katingali bandera koneng ... kasampak loba jelema ... korsi pada  dikaluarkeun

Hate beuki tagiwur ... cipanon mah geus miheulaan merebey ..barang ningali bandera koneng ..tan wande ..???

Motor langsung disarandekeun ... teu sirik na asal nyangsang .. kuring langsung tuturubun asuk ka imah ... teu malire ...sobat jeung tatangga nu ngabageakeun ... alatan hate tagiwur ...

Barang asup ... Ema langsung ngagabrug ... "Ujang... !!!!! Bapa maneh ...."

"Kumaha bapa teh ema...?" ceuk kuring bari nahan piceurikeun ...

Bapa maneh ujang ... ayeuna tos diangkat jadi ketua GOLKAR tingkat Desa.