KAMPUNG KALIDASA

Yasana Wiwin Herna Ningsih

Sampurasun...

Pun... Pun... Tabe... Pun

Kampung Kalidasa

Nyaeta kampung para jawara

Dina widang pancen gawe rancage

Ngawangian titinggal karuhun

Dina prak rampak lengkahna

Mamanis ranah sundawi

Kampung Kalidasa

Nu jadi guru sajatining kahirupan balarea

Sabage amal nu pangluhurna

Hal nu utama dina kasarasian

Hayu urang hijikeun ragawi lan jiwani

Kana hirup Kahuripan ngahiji

Sabage bukti dina laku guna manfaat

Ka Sang Hyang Widi

Sajatina dina hal ngahaluskeun budi

Sareng ngalembutkeun jiwa

Kampung Kalidasa

Nyaeta hiji jiwani lan swarga alam

Hening kalayan wening

Sarasa sarasi ngahiji

Sumpah babakti diri salawasna

Ka Sang Hyang Maha Tunggal

Pun... Pun.... Tabe... Pun....

King Of Mandala, 9 Juli 2023