KURING

Karya: Memet Ahmad

(Guru SMAN 1 Cikembar)

Dimana nya kuring?

Lieuk asa deungeun deungeun

Tanggah asa lamping jeung lamping

Cukleuk leuweung cukleuk lamping

Jauh ka sintung kalapa

Kudu ka saha nya kuring nyanding

Kudu kumaha nya kuring ngahariring

Nyanding ngahariring ngajirimkeun dangding

Kunaon nya ari kuring?

Hate ngan noroweco bae loba kahariwang

Loba kahayang ngadangeuang haleuang

Ngawakcakeun basa …. Tapi

Kunaong nya ari kuring …..

Awak bet teu walakaya sabab mangsa geus bareda

Cumarita dina jeroning dada … kuring asa

Nincak longkewangna kahariwang

Hariwang kana hiji wanci nu bakal mustari

Hariwang kana mangsa nu bakal tumiba

Sabab kiwari geus ngagambar aksara kana bakal mangsana

Melak jahe datang jahe

Melak bonteng datang bonteng

Melak hade bakal hade

Melak goreng bakal goreng

Kumaha atuh nya kuring kuduna!