MILANGKALA PUSAKA KALIDASA NU KA TILU

Karya Wiwin Herna Ningsih

Hung...

Parukuyan ngelun ngawang ngajomantara

Mangrupa Sang Hyang Greda

Ngahiliwir kana wanci nu linduh kana bestari

Tina hiji milangkala Pusaka Kalidasa nu ka tilu

Rampak lengkahna para Jawara

Garincing ngahentak sairama kendang kahirupan

Laju laksana Sang Hyang Sendang

Ngalinduhan nonoman ti sukma sukma nu perkasa

Kakawihan tanah Sundawi

Nyaeta sarwa hideung pinuh wibawa sareng percaya diri

Ngarentas kahirupan ti sadaya

Kalangan sareng kaayaan

Luhung ku elmu jembar ku pangabisa

Kukuh pengkuh kana tatanan agama

Sareng ngamalkeun Pancasila nu sakti

Kanggo kemakmuran sareng limpahan sandang, pangan, sabage titik bakal kahirupan urang

Nu dipageran ku kaimanan

Sarta katakwaan ka nu Maha Tunggal

Sareng motto Trisula

Ngalingkupan Nusa, Bangsa, sareng Agama

Iman, Islam, sareng Ikhsan

Sakedahna munjung ka Indung, muja ka Bapa

Sareng teu ngahilapkeun Sang Hyang Widi nu Maha Perkasa

Urang persiapkeun diri, sateuacanna, ayeuna, sareng nu bakal datang

Cur mancur cahaya emas sanjata Kujang

Sabage refleksi anu seukeut sareng daya kritis

Nyaeta motto kakuatan sareng wawanen

Kanggo merjuangkeun hak hak sareng kabeneran

Kujang teh asalna tina Ujang

Ujang teh hartosna Manusa

Manusa nu ngajungjung ngaluhuran nilai budaya

Dina ngalestarikeun budaya tanah Sundawi

Pita emas nyaeta tanda ikatan persahabatan, duduluran, sareng karukunan dina guyub balarea

Ngajaga ulah nepi kaawut-awutan

Ngajadi hiji iketan sareng gotong royong

Pusaka Kalidasa nyaeta guratan nami

Nu pinuh ku makna hirup kahirupan

Ngajadi pusaka nu ampuh

Sareng pinuh ku keberkahan ilmu lahir sinareng batin

Ngutamakeun kapentingan umum

Tina kapentingan pribadi

Ngabogaan jiwa sosial

Silih tulungan sareng amanah

Sarasa, sarasi, ngahiji

Nyaeta sumpah atawa jangji

Jang kasampurnaan tina sadaya simbul

Milangkala Pusaka Kalidasa nu ka tilu

Nyaeta hirup kasinambungan

Hayu urang ngahiji dina wadah

Jang neraskeun warisan luluhur urang nu pinuh ku khidmat

Tetep mawa kautuhan balarea

Hiji dina sajatining ragawi sinareng jiwani

Hung...

Parukuyan di tanah Sundawi

Salawasna ngabumi

Nyambuang mawa wawangi

Ka saantero jagat raya

Aya dina rengkuhna sukma perbawa sakti

Jang salawasna abadi

Pusaka Kalidasa sautuhna

Aamiin Yaa Robbalalamin

King Of Mandala, 29 Mei 2023