TANDANG MAKALANGAN
Penulis: Wiwin Herna Ningsih
Wiwin Herna Ningsih
Karya Wiwin Herna
Ningsih
Sampurasun...
Pun... Pun...
Ingsun... Tabe... Pun...
Hung... Ahung...
Sabale gandrung
Rampak lengkah
para jawara
Cing cing
garincing pageuh kancing
Mangrupa sang
Hyang greda
Ngahiliwir mawa
wawangi
Manis seungit
ngadalingding
Hayu urang tandang
makalangan ngaraksa budaya ki sunda
Dina milangkala
pusaka kalidasa nu ka lima
Sabage simbul
kasampurnaan dina sumpah atawa janji
Bagja waluya
rahayu ngemban amanah sajati
Ngabangun manusa
sajatining manusa
Hak zat gumelar,
ing pawenang lan pamenang
Kanggo anak putu
di alam dunya
Jembarkeun dina
kalimah syahadat ngabangun ahlak
Jadi mulya berkah
salamet
Luhung ku elmu,
guyub jang balarea
Sabage lambang
kakuatan ragawi lan jiwani
Hung... Ahung...
Para jawara
garincing ngahentak kendang Kahuripan
Kukuh pengkuh ku
kaimanan
Iketan karukunan
papada jalma
Siliwangi silih
wangian
Sarasa...
Sarasi... Ngahiji...
Sabage bakti ka
sang Hyang Tunggal
Dumasar dina laku
guna manfaat
Warisan para
leluhur
Restu sugih mukti
wibawa sakti
Dina tandang
makalangan
Pating haleuang
pating daleungdang
Ngariksa budaya
karuhun jang salawasna
Hung... Ahung...
Rampes
King Of Mandala,
2023
